Hansı məhsullar 14 gün ərzində geri qaytarıla bilər?

İstifadə edilməmiş, əmtəə görünüşü dəyişilməmiş məhsulları 14 gün ərzində dəyişdirib və yaxud geri qaytarmaq olar. Bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin İstehlakçı hüquqlarının müdafiəsi şöbəsinin müdiri Roman Qaraşov deyib.

Onun sözlərinə görə, Nazirlər Kabineti tərəfindən qəbul olunmuş deyişilməli olmayan malların siyahısı var. 

"Dəyişilməsi mümkün olmayan məhsullar qızıl-zinət əşyaları, yarım qiymətli metallar və gigyenik məhsullardır. Hansı ki, onların dəyişdirilməsi və yaxud qaytarılması qanunvericilikdə məhdudlaşdırılıb. Amma istehsal xarakterli hər-hansı bir qüsur olarsa, o məhsul qaytarılıb, dəyişdirilə bilər", - o deyib.

Roman Qosqarov bildirib ki, zəmanət öhdəlikləri bağlı məsələ 14 gün ərzində olan dəyişdirilib, qaytarılmadan fərqlənir.

"Zəmanət öhdəlikləri ilə bağlı məsələ zəmanətin qüvvədə olduğu müddətə daxildir. Bu zəmanət 6 ay və yaxud iki il də ola bilər", - Qosqarov vurğulayıb.


Eltac

www.anews.az