Hər bir sahibkar satdığı məhsula görə iki il zəmanət verməlidir - RƏSMİ

 

"Bəzən sahibkarlar müraciət edən vətəndaşlara deyirlər ki, biz məhsula görə zəmanət vermirik, ancaq, qızıl zəmanət veririk. Buna görə də vətəndaşlardan əlavə pul alırlar. Bu zaman bilmək lazımdır ki, istənilən bir məhsul iki il müddətində zəmanətli sayılır. Bu mülkü qanunvericiliyin tələbidir. Yəni sahibkar heç bir məhsula zəmanət vermədiyini deyə bilməz. Onun belə bir hüququ yoxdur. Əgər, daha qısa müddətli zəmanət nəzərdə tutularsa, bu rəsmi sənədlərə söykənməlidir. Hal-hazırda da əksər şirkətlər artıq bunu elektronlaşdırıblar. Burada əsas məsələ qızıl zəmanətlə bağlıdır. Hansı ki qızıl zəmanət adi zamanətə aid deyil. O, əlavə zəmanət hesab olunur. Yəni qanunun bizə verdiyi istehsal xarakterli qüsurların aradan qaldırılması ilə bağlı zəmanət pul qarşılığında vətəndaşa satılmalı deyil. Vətəndaşa o zəmanət satılmalıdır ki, o, həmin adi öhdəliklərdən daha artıq olsun", -  dövlət rəsmisi bildirib.

 

Qaraşov həmçinin bildirib ki, vətəndaş hər-hansı bir məhsulu alırsa, onun texniki pasportunu tələb etmək hüququ var. Bu pasportların olmaması artıq müəyyən məsuliyyət tədbirlərinin tətbiq olunmasına əsas yaradır.