2050-ci ilə qədər dünya əhalisi 10 milyard nəfərə çatacaq - BMT
11.07.2023 13:36
2050-ci ilə qədər dünya əhalisinin
sayı təxminən 9,7 milyard nəfərə çatacaq. Bu barədə Birləşmiş Millətlər Təşkilatının Əhali Bölməsi məlumat verib.
2050-ci ilə qədər Hindistan və Çindən sonra Nigeriyanın dünyanın ən çox əhalisi olan üçüncü ölkəsi olacağı və digər ölkələrin isə ABŞ, Pakistan, İndoneziya, Braziliya, Konqo Demokratik Respublikası, Efiopiya və Banqladeş olacağı gözlənilir.
Bu proqnozlara əsasən, dünya əhalisinin 2080-ci illərdə təxminən 10,4 milyard nəfər olacağı və 2100-cü ilə qədər bu səviyyədə qalacağı ehtimal olunur.
BMT dünya üzrə əhalinin statistikasını hər il 11 iyul Ümumdünya Əhali Günü ərəfəsində açıqlayır. Bu tarix 1990-cı ildə təsis edilib və 90-dan artıq ölkədə qeyd edilir.
2005-ci ildən etibarən Azərbaycanda da Ümumdünya Əhali Günü geniş şəkildə qeyd olunur. .
Məqsəd ailə planlamasının əhəmiyyəti, gender bərabərliyi, yoxsulluq, qadın sağlamlığı və insan hüquqları kimi dünya əhalisi ilə bağlı müxtəlif məsələlər barədə məlumatlılığı artırmaq, insanların problemlərinə xüsusi diqqət yetirmək və ümumi inkişafa nail olmaqdır.
BMT-nin hesablamalarına görə, son bir ildə dünya əhalisinin sayı rəsmi olaraq səkkiz milyarda çatıb və Hindistan Çini ötərək dünyanın ən sıx məskunlaşdığı ölkə olub.
Statistikaya əsasən dünya əhalisi artmaqda davam etsə də, ümumi artım tempi get-gedə aşağı düşür.
Eltac Nurullazadə
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
