Müayinələrin aparılması üçün Söyüdlüyə beynəlxalq şirkətlər gələ bilər

 

 

Nazir vurğulayıb ki, ikinci anbarının tikintisinə razılıq verilmədiyi nəzərə alınaraq,  şirkətə istismarın müvəqqəti dayandırılması təklif olunub.

 

Prezident İlham Əliyev 2023-cü ilin 6 ayının sosial-iqtisadi yekunlarına həsr olunmuş müşavirədə Gədəbəy hadisələri barədə danışarkən bildirib ki, Gədəbəy rayonun Söyüdlü kəndində baş verənlər Ekologiya və Təbii Sərvətlər Nazirliyinin səhlənkarlığı üzündən baş verib. Ölkə başçısı Nazirlər Kabinetinə və Ekologiya və Təbii Sərvətlər Nazirliyinə tapışırıq verərək deyib ki, bir həftə ərzində həm ictimaiətə həm də prezidentə hadisələrin yekunu nəticələri ilə bağlı açıqlama verilsin. 

İyunun 20-si günorta saatlarında Gədəbəy rayonu Söyüdlü kəndində bir qrup şəxs kənd ərazisində inşa olunan süni gölün tikintisinə müdaxilə edib.
 
İyunun 21-i isə kəntdə polislərlə sakinlər arasında növbəti dəfə qarşıdurma yaşanıb. Kənd sakinləri aksiyada saxlanılanların sərbəst buraxılması üçün rayon polis idarəsinə doğru yürüş etməyə çalışıblar. Lakin polis sakinlərə mane olub.
 
Baş nazir Əli Əsədovun sərəncamı ilə Gədəbəy rayonunun Söyüdlü kəndində tullantıxana sahəsində monitorinqlərin aparılması və mövcud vəziyyətin qiymətləndirilməsi məqsədilə Komissiya yaradılıb.
 
Ekologiya və təbii sərvətlər naziri Muxtar Babayev Komissiyanın sədri təyin edilib.