Real partiyasının bağlanma riski var

Ədliyyə Nazirliyi REAL partiyasının 463 üzvünün təsdini qəbul edib. Bunu Respublikaçı Alternativ Partiyasının sədri İlqar Məmmədov bildirib. 

 

Ədliyyə Nazirliyindən REAL -a göndərilən rəsmi cavabda deyilir ki, reyestrdə adları göstərilən üzvlərlə əlaqə saxlanılıb. 986 nəfər partiyaya üzv olmadığını bildirib. Daha 1058 nəfərin telefon nömrəsi kimi partiyanın ofisinin  nömrəsini göstərilib. Nazirlik bunu məqbul saymayıb. "2527 nəfər barədə məlumatlar (adı, soyadı, doğum tarixi) Əhalinin Dövlət Reyestrində tapılmayıb. Nəhayət, 68 nəfərin adı təkrar gedib, 16 nəfər isə ölüb. Beləliklə, Partiyamızın siyahısında cəmi 463 nəfərim adı "keçərli” oldu. Qanuna əsasən növbəti 30 gün ərzində ya 4500+ nəfərin məlumatlarını "düzəltməli”, ya da eyni qədər yeni üzv toplamalı, ya da partiyanı buraxmalıyıq. Bu haftə qərarımız haqda ictimaiyyətə məlumat verəcəyik”, - partiya sədri facebook hesabında yazıb. 

 

Partiyalar haqqındaki yeni qanuna əsasən 2023-cü ilin mart-iyulunda 25-dən çox partiya öz fəaliyyətinə xitam verib. 

 

Prezident İlham Əliyev 2023-cü ilin yanvarın 11-də "Siyasi Partiyalar haqqında" qanunu təsdiqləyib. 
 
2022-ci il dekabrın 16-da Milli Məclisdə "Siyasi partiyalar haqqında" yeni qanun layihəsi ümumilikdə 100 dəyişilklik  edilməklə III oxunuşda qəbul olunub. 
 
Layihə 6 fəsil, 30 maddədən ibarətdir. 
 
Layihə Venesiya Komissiyasının 233 tövsiyəsindən seçki prosesi ilə bağlı olmayan və sırf siyasi partiyanın statusuna və fəaliyyətinə aid 132 tövsiyəsindən  112-si nəzərə alınıb. 
 
"Siyasi partiyalar haqqında" layihə ən son 1992-ci ildə qəbul olunmuşdu.

 

Gülnar Nazimqızı