Ağdamda tikinti-söküntü tullantılarının təkrar emal edilməsinə başlanılıb - FOTO

İşğaldan azad edilmiş ərazilərin bərpasında yaşıl iqtisadiyyat prinsiplərinin tətbiqi məqsədilə özəl sektorla birlikdə tikinti-söküntü tullantılarının təkrar emalı layihəsinə başlanılıb.

Onun sözlərinə görə, işğaldan azad edilmiş ərazilərdə dövri iqtisadiyyatın təmin edilməsi və təbii sərvətlərdən səmərəli istifadə olunması ilə bağlı qarşıya qoyulan hədəflərə uyğun olaraq, Ağdam rayonunun Kəngərli kəndinin bərpa və yenidənqurulması zamanı yaranan tikinti-söküntü tullantılarının təkrar emalına başlanılıb.

"İşğaldan azad edilmiş ərazilərdə aparılan bərpa və yenidənqurma işləri nəticəsində tikinti və söküntü tullantılarının sayı xeyli artıb. Təşəbbüs ilk növbədə Ağdam rayonunda yaranan tikinti və söküntü tullantılarının ətraf mühitə təsirini əhəmiyyətli dərəcədə azaltmağa kömək edəcək. Bu materiallar poliqona atılmaq əvəzinə, təbii ehtiyatları qoruyaraq və çirklənməni minimuma endirməklə təkrar emal ediləcək və yenidən bu ərazilərdə aparılan bərpa işlərində istifadəyə veriləcək. Layihənin məqsədi tullantıların dayanıqlı şəkildə idarə olunmasını təmin etməkdir”.

"Bu, strateji cəhətdən Ağdam rayonunda təkrar emal müəssisələrinin yaradılmasını nəzərdə tutur. Bu qurğular müxtəlif tikinti və söküntü tullantılarını emal etmək qabiliyyətinə malik olacaq. Bundan əlavə, layihə regionda yerli iqtisadiyyata da təkan verəcək. Davamlı təcrübələri təşviq etməklə biz ümid edirik ki, bu digər regionlar üçün də nümunə olacaq”.

Faiq Mütəllimov xatırladıb ki, Ekologiya və Təbii Sərvətlər Nazirliyi tərəfindən BMT-nin Ətraf Mühit Proqramının ekspertlərinin iştirakı ilə Şuşa şəhəri və Ağdam rayonu ərazisindəki dağıntılardan götürülmüş nümunələrin laborator təhlilləri aparılıb və bu tullantıların təkrar emal edilərək tikintidə istifadəyə yararlı olduğu müəyyən olunub.