İstanbulda ilin əvvəlindən ən isti gün qeydə alınıb

İstanbulda bəzi yerlərdə termometrlər 40 dərəcəni keçib. Şile bölgəsində saat 14:50-də havanın temperaturu 43,4 dərəcəyə çatıb. Çekmeköy, Eyüpsultan və Pendik bölgələrində də havanın temperaturu 40 dərəcəni keçib. Bu barədə Türkiyə mətbuatı yazıb.


Türkiyə Hidrometeorologiya İdarəsinin rəsmi saytına istinadən verdiyi məlumata görə, bu gün, iyulun 26-da İstanbulda, Şilə bölgəsində termometrlər 43,4, Çekmeköydə 41,7, Eyüpsultanda 40,4 dərəcəni göstərib.
Eyni zamanda, proqnoza görə, artıq iyulun 27-də istiliyin azalması gözlənilir.


Meteoroloji məlumatlara görə, İstanbulda indiyə qədər ölçülən və rekord olaraq qəbul edilən ən yüksək temperatur 13 iyul 2000-ci ildə qeydə alınıb və 40,6 dərəcə olub. Yeni rekordun qırılıb- qırılmaması ilə bağlı hələlik rəsmi açıqlama verilməyib.

www.anews.az