İbadoğlunun ev dustaqlığı vəsatəti təmin edilməyib

 

Vəkil bildirib ki, bu qərarla bağlı apellasiya şikayəti veriləcək. 

 

"Ailə üzvləri ilə hələ görüşə bilmir. Çox narahatdır. Son vəziyyətlə məlumat ala bilmir. Övladları xaricdə oxuyur. Onlarla da əlaqə saxlaya bilmir. Rəsmi müraciət etmişik. Cavab gözləyirik", - vəkil vurğulayıb. 

 

Zibeydə Sadıqova deyir ki, saxla şəraiti İbadoğlunun səhhətinə pis təsir edir. Qapalı bir məkanda qaldığı üçün səhhətində problemlər özünü biruzə verir. 

 

İyulun 28-də İbadoğlunun apellasiya şikayəti də təmin edilməyib.

 

İbadoğlu iyunun 23-ü Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.
 
Qubad İbadoğlu barəsində Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham verilib və təqsirləndirilən şəxs qismində məsuliyyətə cəlb edilib. 
 
Hazırda Qubad İbadoğlu barəsində 3 ay 26 günlük həbs qətimkan tədbiri seçilib.

 

Britaniyanın Azərbaycandakı Səfirliyi Azərbaycan hökumətini iyulun 23-də həbs olunan Azərbaycan Demokratik Partiyasının sədri Qubad İbadoğlunu dərmana və ədalətli hüquqi proses də daxil olmaqla insan hüquqlarına hörmət edilməsini təmin etməyə çağırıb. Bu çağırışa İngiltərə, Amerika, Almanya, Fransa da qoşulub. 

 

London İqtisadiyyat və Siyasi Elmlər Məktəbi (LSE) də siyasətçinin həbs olunmasından narahatlığını ifadə edib. 

 

Eltac Nurullazadə

Gülnar Nazimqızı