Dəyirmanda iki nəfər zəhərlənərək ölüb

Xızıda dəyirmanda 2 nəfər qazdan zəhərlənərək ölüb. Bu barədə  rayon prokurorluğundan məlumat verilib.


Bildirilib ki, avqustun 13-də Xızı rayonunda yerləşən un dəyirmanı müəssisəsində 2 nəfərin ölməsi barədə rayon prokurorluğuna məlumat daxil olub.


İlkin araşdırma zamanı həmin müəssisədə iş görərkən 1974-cü il təvəllüdlü Cavid Qocayev və 1981-ci il təvəllüdlü Müşfiq Muqbilovun texniki quyularda yaranmış qazdan zəhərlənmə nəticəsində ölməsi, 1985-ci il təvəllüdlü Xəyal Rəsulovun isə zəhərlənməsi müəyyən edilib.


Faktla bağlı Xızı Rayon Prokurorluğunda araşdırma aparılır.

www.anews.az