Uşaqlara istənilən adı vermək olarmı?

 

 

 

"Hər il belə bir siyahı tutulur ki, hansı adlar milli adətlərə uyğun gəlmir. Buna uyğun da müəyyən adların qoyulmasına qadağa qoyulur. Görünür Asan Xidmət burada o siyahıya istinad edərək imtina cavabı verib. Bu məsələ ilə məşğul olan qurum Ədliyyə Nazirliyidir və mövcud siyahılar orada hazırlanır. Yəni, vətəndaş Asan Xidmətə müraciət edərkən, ona imtina cavabınının gəlməsinə səbəb Ədliyyə Nazirliyidir. Bu imtinanı onlar verir. Bu məhdudiyyət  tək Asan Xidmət tərəfindən qoyulmur, eyni zamanda zaks dediyimiz qeydiyyat şöbələrində bu siyahılar mövcuddur və imtinalar oradan da verilə bilər. Bu məsələ ilə bağlı bir neçə yanaşma var. İctimaiyyətdə bu məsələyə münasibət müxtəlifdir. Bəzi insanlar  fikirləşirlər ki, bu addım insan hüquqlarına ziddir. İstinad da gətirirlər ki, xarici ölkələrdə belə bir məhdudiyyət yoxdur. Bəzi insanlar isə düşünürlər ki, buna nəzarət olmadıq da, uşaqlara ictimai dünya görünüşünə, milli mentalitetə uyğun olmayan adlar qoyulur. Məncə bu mövzuda müəyyən məhdudiyyətlər olmalıdır. Çünki, bəzən valideyn uşağa ad qoyarkən fikirləşmir ki, uşaq böyüyəndən sonra, bu, uşağa necə təsir göstərəcək. Adlar həmişə uğurlu olmur. Ona görə də uşaqlar bəzi hallarda onlara qoyulan ada görə böyüyəndə utanırlar. Valideynlər uşaqlara ad qoyarkən, onların gələcəkdə yaşayacağı cəmiyyəti fikirləşməlidirlər. Əgər, hər-hansı bir şəxs uşağına ada qoyarkən, ona imtina cavabının gəlməsini öz hüquqlarının pozulması kimi qiymətləndirirsə, o, inzibati icraat qaydasında məhkəməyə müraciət edə bilər", - hüquqşünas bildirib.

 

Psixoloq Fərqanə Mehmanqızı bildirir ki, valideynlər uşaqlara ad qoyarkən, onun gələcəyini fikirləşməlidir.

 

"Ümumiyyətlə, uşaqlara adlar qoyulanda valideynlər bir az düşünməlidirlər ki, adların insan həyatına təsiri var. Hər sözün öz ağırlığı, enejisi olduğu kimi insan adlarının da insanın həyatına, xarakteristikasına, baxış tərzinə öz təsiri var. Həm də gələcəkdə həmin şəxsi çağıran insanlar onu məhz bu adla olan münasibətdən bəhs edirlər. Məsələn İnci adı götürək, bir xanıma İnci dedidikdə istər-istəməz həmin xanımın içində incə hislər yaranır və yaxud da kobud bir ad qoyanda və həmin insanla əlaqəsi olmayan adlar qoyanda həmin insan başqalarına da kobud hislər bağışlayır. Ona görə də insana ad qoyduqda onun məna kəsbinə çox önəm vermək lazımdır. Biz valideyn olaraq düşünürük ki, ancaq biz ona ad verir, lakin, gələcəkdə cəmiyyət də bu adla həmin şəxsə önəm verəcək”,  - psixoloq bildirib.

Son beş il ərzində oğlan və qız uşaqlarına ən çox müvafiq olaraq, Zəhra və Yusif adları verilib. Beş il ərzində 9 min 588 qız uşağına Zəhra, 9 min 449 oğlana isə Yusif adı qoyulub.