MN Ermənistanın yaydığı video ilə bağlı açıqlama verib

"Ermənistan Müdafiə Nazirliyi uğursuz təxribatını ört-basdır etmək məqsədilə yaydığı videomaterialda əks olunan görüntülərin, o cümlədən avtomobil texnikasının baş vermiş insidentlə heç bir əlaqəsi yoxdur. Azərbaycan Ordusunun bölmələri tərəfindən saxlanılan erməni diversant hərbi qulluqçularımızın köməyi ilə dərhal UAZ- 390945 markalı avtomobil vasitəsilə yaxınlıqdakı hərbi tibb müəssisəsinə təxliyə edilib. Qarşı tərəf bu cür dezinformasiya xarakterli məlumat yaymaqla öz çirkin əməllərinə don geyindirməyə və bununla da ictimaiyyətdə yanlış fikir formalaşdırmağa çalışır", - açıqlamada deyilir. 

 

Ermənistan Müdafiə Nazirliyi bu gün videogörüntü yayaraq vurğulayıb ki, Azərbaycan Ordusu tərəfindən erməni hərbçi saxlanılıb. 

 

Azərbaycan Müdafiə Nazirliyi avqustun 16-da Ermənistan silahlı qüvvələrinin kəşfiyyat-diversiya qrupunun bir üzvü saxlandığını açıqlayıb. Bildirib ki, Ermənistan hərbçisi Azərbaycan tərəfə keçməyə cəhd edib. Kəşfiyyat-diversiya qrupunun digər üvləri geri çəkilməyə məcbur edilib. Saxlanılan şəxsin 44 günlük müharibdə Azərbaycana qarşı döyüşdüyü məlum olub. 

 

 

Gülnar