Ombudsmanın nümayəndələri Qubad İbadoğlu, Nazim Bəydəmirli və Əvəz Zeynallı ilə görüşüb

Amma  Qubad İbadoğlunun  ailə üzvləri və vəkili iqtisadçının vəziyyətinin təcridxanadakı pis şəraitə görə daha da pisləşməsi barədə açıqlamalar verib. 

 

Penitensiar Xidmət isə İbadoğlunun saxlanma şəraitinin beynəlxalq standartlara cavab verdiyini iddia edir.

Azərbaycan Demokratiya və Rifah Partiyasının 52 yaşlı lideri Qubad İbadoğluiyulun 23-də  Bakıda saxlanılıb, ertəsi gün isə həbs edilib.  O, saxta pul hazırlamaqda ittiham olunur.

Onun qardaşı Qabil Bayramov  bildirib ki, İbadoğlu Bakı SİZO-1-də dar kamerada saxlanılır.

 

"Qardaşım daha dörd məhbusla birlikdə saxlanılır. Halbuki kamera iki nəfər üçün nəzərdə tutulub. Bu səbəbdən orada hava daim "ağır" olur. Şəkər xəstəliyindən əziyyət çəkən Qubadın qanında şəkərin səviyyəsi yüksəkdir.  Təmiz havanın olmaması  səbəbindən təzyiqi normallaşdırmaq mümkün deyil”, - Bayramov bildirib.

İbadoğlunun vəkili  Zibeydə Sadıqova da  saxlanma şəraitindəki problemlər və müdafiə etdiyi şəxsin səhhətinin pisləşməsi ilə bağlı açıqlama verib. 

 

İqtisadçı  Nazim Baydəmirli  iyulun 5-də 4 ay müddətinə həbs edilib. Ona Cinayət Məcəlləsinin "xeyli miqdarda əmlakı ələ keçirmə məqsədi ilə hədə-qorxu ilə tələb etmə” maddəsi ilə ittiham irəli sürülüb.  Bəydəmirli özünü təqsirli bilməyib və apellyasiya şikayəti vermək niyyətindədir.