Qubad İbadoğluna yeni ittiham irəli sürülüb

Həbsdə olan ADR sədri Qubad İbadoğluna qarşı Cinayət Məcəlləsinin 167-3.1-ci (dini ekstremist materialları hazırlama, saxlama və ya yayma) maddəsi ilə yeni ittiham irəli sürülüb.


"Guya ofisdən axtarış zamanı Fətullah Gülənə aid kitablar çıxıb. Bu cəfəngiyatdır. Çünki axtarış olanda sənədləri torbaya yığıblar və adbaad qeyd etməli idilər"- o bildirib.


Məsələ ilə bağlı Daxili İşlər Nazirliyindən münasibət öyrənmək mümkün olmayıb.


ADR sədri Qubad İbadoğlu iyulun 23-də həbs olunub.  


Onun barəsində məhkəmənin qərarı ilə 3 ay 26 gün həbs qətimkan tədbiri seçib.


Qubad İbadoğlu Azərbaycan Cinayət Məcəlləsinin 204.1-ci (satış məqsədi ilə hazırlama, o cümlədən saxta pul və ya xarici valyuta əldə etmə və ya satma), 204.3.1-ci (eyni əməllər mütəşəkkil dəstə tərəfindən törədildikdə) maddələri ilə ittiham olunur.


Azərbaycan Daxili İşlər Nazirliyi Azərbaycan Demokratiya və Rifah Partiyasının sədri Qubad İbadoğlunun Türkiyədə 2016-cı ildə çevriliş cəhdində ittiham olunan, hazırda Amerikada yaşayan Fətullah Gülənin tərəfdarları ilə əlaqədar keçirilən əməliyyat tədbirləri çərçivəsində saxlanıldığını bildirib.


Qubad İbadoğlu ittihamları qəbul etmir. Bir sıra beynəlxalq təşkilat, diplomatik korpuslar Azərbaycan hökumətini Qubad İbadoğlunu azad etməyə çağırıb.


Aytac Zeynalova



www.anews.az