Türkiyədə tüfənglə oynayan uşaq anasını öldürüb

Türkiyənin Artvin şəhərinin Yusufəli rayonunda tüfənglə oynayan 8 yaşlı uşaq səhvən anasına atəş açaraq onu öldürüb.

Türkiyənin Ərzurum şəhərindən tətil etmək üçün ailəsi ilə bərabər Yusufəlinə gələn Ö.B, Körpügörən kəndindəki qohumlarının yanında qalmağa başlayıb. 

Səhər saatlarında qaldığı evdəki tüfənglə oynayan Ö.B, səhvən anası Hacer Büyükküleçiyi yaralayıb. 

Evdəkilərin vəziyyəti bildirməsi ilə hadisə yerinə polis və sağlamlıq qrupları cəlb edilib. Ağır yaralanan qadın, qaldırıldığı Yusufəli Dövlət Xəstəxanasında edilən müdaxilələr nəticəsində xilas edilə bilməyib. 

Polis hadisə ilə əlaqədar araşdırmalar aparıb. 

www.anews.az