Ermənistanda yeni qanun - Hamı uzaqdan işləyə bilər

"Ermənistanda məsafədən işləmək qanunvericilik səviyyəsində tənzimlənməlidir”, - Respublikanın əmək və sosial məsələlər nazirinin müavini Ruben Sarkisyan Əmək Məcəlləsinə dəyişikliklər haqqında qanun layihəsinin müzakirəsi zamanı deyib. 
 
Onun sözlərinə görə, hazırda qanunda distant işi tənzimləyən qayda var, lakin bu, yalnız böhran vəziyyətləri dövrünə aiddir. 
 
ABŞ əmək bazarında aparılan araşdırmalar göstərdi ki, 2023-cü ilin fevral ayında işçilərin təxminən 20%-i artıq ofislərdən işləyirdi. Eyni zamanda, qalanları - təxminən 80%, ya tamamilə uzaqdan, ya da hibrid şəkildə işləyirlər. Eyni tendensiya Avropada da müşahidə olunur. 
 
Layihədə məsafədən işin işçi ilə işəgötürənin qarşılıqlı razılığı əsasında həyata keçirilməsi nəzərdə tutulur. 
 
İşçi əmək öhdəliklərini yerinə yetirdiyi müddətdə onların lazımi qaydada yerinə yetirilməsini, habelə qarşılıqlı razılaşdırılmış qaydada işəgötürənin yanında olmasını təmin etməyi öhdəsinə götürür.  
 

www.anews.az