Space kanalına "cinayətkardır" ifadəsini işlətdiyinə görə xəbərdarlıq edilib

""Space TV”nin efirində oktyabrın 4-də "Yaxşıya doğru” proqramının yayımı zamanı (saat 12:19-da) proqramın aparıcısı hüquq-mühafizə orqanları tərəfindən şübhəli şəxs qismində istintaqa cəlb edilmiş vətəndaş barədə "... cinayətkardır...” ifadəsini işlədib ki, bununla da, "Media haqqında" qanunun 14.1.14-cü maddəsinin tələbi (məhkəmənin qərarı olmadan şəxsin təqsirli olması barədə məlumatların dərc edilməsinə (yayımlanmasına) yol verilməməlidir) pozulub”, - məlumatda deyilir.

Bu günə qədər "Space" Televiziyasına 5 dəfə zorakılıq və qəddarlığı təbliğ edən informasiyaya yol verilməsinə, energetik içkiyə aid çarx nümayiş etdirildiyinə görə xəbərdarlıq edilib və yayımı bir neçə saatlıq dayandırılıb.

Aygün Mirakif

www.anews.az