Şəhid ailələri və müharibə iştirakçılarına göstərilən xidmətlərin sayı açıqlanıb

Postmüharibə dövründə şəhid ailələri və müharibə iştirakçılarına 309 min xidmət göstərilib. Bunu Əmək və Əhalinin Sosial Müdafiə naziri Sahil Babyev deyib. 
 
O bildirib ki, İkinci Qarabağ Müharibəsindən sonra əlilliyi olan şəxslərə 324 avtomobil verilib, ümumilikdə isə bu kateqoriyadan olan şəxslərə 7500-dən çox avtomobil təqdim olunub. 
 
"Şəhid ailələri, müharibə ilə əlaqədar əlilliyi olan şəxslərin mənzillə təminatı proqramı çərçivəsində postmüharibə dövründə 5300, ümumilikdə 14100,  o cümlədən son 20 ildə 13 mindən çox mənzil və fərdi ev verilib", - nazir oktyabrın 13-də Milli Məclisin  "Heydər Əliyev -100: Müasir Azərbaycan - sosial rifah və sosial ədalət dövləti” mövzusunda keçirilən elmi-praktik konfransda çıxışı zamanı deyib.
 
Nazir vurğulayıb ki,  artıq 2023-cü ildən ilk dəfə olaraq ehtiyac meyarının həcmi ilə yaşayış minimumunun həcmi bərabərləşdirilib. 
 
Gülnar Nazimqızı

www.anews.az