BMT İsraili fələstinlilərin Qəzzanın cənubuna köçməsi əmrini ləğv etməyə çağırıb

BMT İsrail hakimiyyətini Qəzzalıların zolağın şimalından cənuba doğru hərəkət etməsi əmrini ləğv etməyə çağırır. Bu barədə BMT-nin Fələstindəki əməkdaşlarının Humanitar Məsələlərin Koordinasiya Ofisi (OCHA) tərəfindən göndərilmiş şərhində deyilir.

"BMT Fələstində İsrail hökumətini BMT agentlikləri və fələstinlilərin təhlükəsizliyinə və ya geri qayıtmalarına zəmanət olmadan "dərhal Qəzza zolağının cənubuna köçməli" elanını ləğv etməyə çağırır. Bu, qarşısı alına bilən və alınmalı olan humanitar faciəyə səbəb olacaq", - BMT qeyd edib.

BMT rəsmiləri əlavə edib ki, bir milyon insan bir gündə köçə bilməz.

Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
 
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.
 
Baş verən hadisələr  fonunda hər iki ölkədən ölənlərinin sayının 2300-dən çox olduğu deyilir.
 
Avropa İttifaqı oktaybrın 10-da HƏMAS-ın İsrailə hücumu ilə bağlı fövqəlada iclas keçirəcəyini açıqlayıb. 
 

Gülnar 



www.anews.az