Azərbaycanda 2050-ci ilə qədər su təchizatı 23% azalacaq - PROQNOZ
19.10.2023 16:24
Azərbaycanda 2050-ci ilə qədər su təchizatı 23 faiz azalacaq. Bu barədə Maliyyə Nazirliyinin "2024-2027-ci illər üzrə Ortamüddətli Büdcə Çərçivəsi"dəki hesabatında bildirilir.
Hesabatda BMT-nin son proqnozlarına istinad edilərək bildirilib ki, həmçinin 2040-ci ilə qədər Azərbaycan quraqlıqla üzləşəcək ilk 20 ölkə arasında yer alacaq.
"Optimist ssenari üzrə Azərbaycanın su ehtiyatlarının miqdarı (transsərhəd su ehtiyatları ilə birlikdə) 2040-cı ildə 5-10%, 2070-ci ildə isə 10-15% və pessimist ssenari üzrə cari dəyərlərlə müqayisədə 2040-cı ildə 10-15%, 2070-ci ildə isə 15-25% azalacaq", - nazirliyin hesabatında yazılıb.
Notr Dam Qlobal Adaptasiya Təşəbbüsünün son hesabatına görə, Azərbaycan dünya ölkələrinin iqlim dəyişikliyinə və digər qlobal çağırışlara qarşı həssaslığınıvə dayanıqlılığın artırılmasına yönəlmiş hazırlıq səviyyəsini qiymətləndirən qlobal indeksdə 185 ölkə arasında 65-ci yerdə qərarlaşıb.
Təşkilatın qiymətləndirilməsində ölkədə adambaşına düşən məcmu su ehtiyatları nisbətən aşağı və su təchizatının 70-75%-i Azərbaycan hüdudlarından kənarda yaranan mənbələrdən qaynaqlandığı açıqlanıb.
Aygün Mirakif
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
