Biletlərin baha olması əhalini narahat edir - Tahir Rzayev

 

"Bu barədə deputatlar dəfələrlə burada iradlarını bildiriblər. Biletlərin baha olması əhalini də narahat edir. Ehtimal edirəm ki, dəqiq hesablamalar  aparılmamısandan qiymətlər dəyişmir. Əhalinin qiymət dəyişilməsinə ehtiyacı var", - deputat oktyabrın 20-də Milli Məclisin plenar iclası zamanı "Aviasiya haqqında" qanuna münasibət bildirərkən deyib. 

 

Oktyabrın 18-də Milli Məclisin deputatı Vahid Əhmədov İqtisadi siyasət, sənaye və sahibkarlıq komitəsinin iclasında "Aviasiya haqqında" qanununa münasibət bildirərkən vurğulayıb ki, Azərbaycanda təyyarə qiymətləri çox bahadır və bu əhalinin gəlirlərinə tərs mütanasibdir.

 

Həmin iclasda Rəqəmsal inkişaf və nəqliyyat nazirinin müavini Rəhman Hümmətov deputatlara cavab olaraq söyləmişdi ki, AZAL-ın xərcləri və uçuşlarının sayının artması qiymətə təsir göstərir.  

 

Oktyabrın 26-da Milli Məclisdə Rəqabət Məcəlləsinin müzakirəsində İqtisadiyyat Nazinirin müavini Elnur Əliyev açıqlamasında bildirib ki, "AZAL"-ın sərnişindaşıma və yerüstü xidmətləri dövlətin siyasətinə uyğundur.
 
Bundan əvvəl Milli Məclisin bir neçə deputatı "AZAL"-ı inhisarçılıqda tənqid etmişdi. Deputatlar bildirmişdi ki, qurum uçuşları çox baha qiymətlə həyata keçirir. 

Gülnar Nazimqızı