Yerli istehsallı qaz sayğaclarının kütləvi tətbiqinə başlanılır

SOCAR "Azəriqaz” İstehsalat Birliyi abonentlərinin yerli istehsallı sayğaclardan istifadəsinə başlayır.

Bunu SOCAR "Azəriqaz”ın rəhbəri Ruslan Əliyev "Açıq qapı” aksiyası çərçivəsində bildirib.

Onun sözlərinə görə, bu məqsədlə "Gəncə Cihazqayırma Zavodu” ASC ilə müvafiq müqavilə imzalanıb.

"Bu gündən etibarən istehsalata verilən sayğaclar yerli sayğaclar olacaq, istehsalçı da "Gəncə Cihazqayırma Zavodu”dur”, – Ruslan Əliyev qeyd edib.

Onun sözlərinə görə, 2023-cü ilin qalan sayğac miqdarı və 2024-cü il üzrə müəyyən sayğac miqdarı "Gəncə Cihazqayırma Zavodu” istehsalı hesabına olacaq.

İmzalanan müqavilə yerli sahibkarlığın stimullaşdırılması, "Azəriqaz” üçün sayğaclarla bağlı olan məsələlərdə əlçatanlılığı (servis, logistika, məsafə yaxınlığı və s.) təmin etməklə, nəticədə abonentlərin məmnunluğuna xidmət edəcək.