Reklam agentliyi tam olaraq özbaşına qurumdur- DEPUTAT

Reklam agentliyi səlahiyyətlərindən istifadə edir. Bunu deputat Razi Nurullayev deyib. 

"Reklam agentliyi tam olaraq özbaşına qurumdur. Səlahiyyətlərindən sui istifadə edir, sərbəst və yaradıcı ideyaları boğur, özbaşına qərarlar qəbul edir, reklamları qopardır. Mənə deyirlər ki, hər küncə adam qoyub ki, nəzarət etsinlər, onların bığının altından keçməyənləri isə sıxışdırsınlar. Əsas problem nədir? Hamı istəyir ki, tutucu və kəsici olsun, nəzarət eləsin. Aidiyyatı oldu-olmadı müdaxilə edilir. Axı niyə, nə ixtiyarınız var? Əgər dövlət qurumu qanunu kobud şəkildə pozursa, onda belə çıxır ki, qanunlar kasıblar, dayaqsızlar üçün yazılıb? Sən tutucu, sökücü orqan deyilsən. Sənin işin yalnız nəzarətdən ibarət deyil, hər küncə bələdçi, gözətçi qoyub insanları güdəsən. Sənin işin tənzimləməkdir. Tənzimləyə bilmirsən, niyə oturmusan orada? Zəhmət çək kreslonu vakant elə. Bir neçə qurum var ki, özbaşınalıqla məşğuldur. Biri də reklam agentliyi. Öz məsuliyyətini parlamentin və nazirlər kabinetinin üzərinə atır. Təqdim etsin görək, onlar nə zaman dəyişikliklərlə bağlı Parlamentə müraciət ediblər? Etməzlər, çünki, sərf edir ki, boşluqlardan istifadə edib özbaşınalıqla məşğul olsunlar”, - deputat noyabrın 2-də Milli Məclisdə büdcə müzakirəsi zamanı çıxışında deyib.

www.anews.az