Hava şəraiti ilə bağlı qazın istehlakı azalıb

Respublika ərazisində ümumi sutkalıq təbii qazın qəbulu 14 milyon 82 min kubmetr təşkil edib. Bu da ötən ilin eyni dövrü ilə müqayisədə 6 milyon kubmetr azdır. Bunu SOCAR "Azəriqaz” İB-nin Rejimlərə nəzarət və mərkəzi dispetçer şöbəsinin rəisi Rasim Əhmədov "Açıq qapı” aksiyası çərçivəsində media nümayəndələri ilə keçirilən görüş zamanı  jurnalistlərə açıqlamasında bildirib.

O bildirib ki, sutkalıq qaz qəbulunun az olması temperatur şəraiti ilə bağlıdır.

 

Şöbə rəisi vurğulayıb ki, Bakı şəhəri və Abşeron yarımadası üzrə qəbul 9 milyon 521 min kubmetr, regionlar üzrə isə bu rəqəm 4 milyon 561 min kubmetr təşkil edib.

 

2021-ci il oktyabrın 16-da Tarif (Qiymət) Şurasının iclasında təbii qaz üzrə topdansatış və pərakəndə satış qiymətlərinin tarif tənzimlənməsinə dair qərar qəbul edilib. Qərara əsasən, əhalinin illik istehlakının 1 200 kubmetrədək olan hissəsi üçün tariflər 10 qəpikdən 12 qəpiyə artırılıb. Əhali üçün 1 200-2 500 kubmetrə qədər və 2 500 kubmetrdən çox olan hissələr üçün tariflər müvafiq olaraq 20 və 25 qəpik saxlanılıb. Qeyri-əhali kateqoriyasından sənaye və kənd təsərrüfatı sektorları üzrə qazın tarifləri 20 qəpikdən 22 qəpiyə çatdırılıb.