Qarabağda minaların olması 10 milyard itki deməkdir - Vüqar Bayramov

Qarabağda minaların təmizlənməməsi Azərbaycan iqtisadiyyatı üçün 10 milyard itki deməkdir. Bunu Milli Məclisin  İqtisadi siyasət, sənaye və sahibkarlıq komitəsinin üzvü Vüqar Bayramov deyib. 

"2022-ci il dünyada 200 min təmizlənən mina olub. Bu çox aşağı rəqəmdir. Minaların təmizlənməsi qlobal bir məsələdir. Bu işdə beynəxalq təşkilatlar aktiv olmalıdır. Qarabağda ən çox minalanan ərazilərdən biri Füzulidir. Nə qədər tez təmizlənərsə iqtisadiyyata bir o qədər dəstəkdir. Prosesin intensivləşməsinə ehtiyac var”, - deputat noyabrın 4-də Milli Məclisdə Təbii ehtiyatlar, energetika və ekologiya komitəsində "Mina Təhlükəsi ilə Mübarizə - partlayıcı sursatların ekosistemə təsiri” mövzusunda ictimai dinləmədə çıxışı zamanı bildirib.

Vüqar bayramov təklif edib ki, ANAMA əməkdaşlarının həm əməkhaqqları artırımalı, həm də onların pensiya yaşına yenidən baxılmalıdır. 


www.anews.az