Özünəməşğulluq proqramında cəmi 2%-ə yaxın şikayət var - Sahil Babayev

Özünəmşğulluq proqramını əhatə edən 75 min ailənin 2%-nə yaxın hissəsindən şikayətlər daxil olub. Bunu Əmək və Əhalinin Sosial Müdafiə Naziri Sahil Babayev deyib. 

"Bu sosial layihədir. 75 min ailəni əhatə edir. Prosesə 10 qat nəzarət var. 2018-ci ildən istifadəyə verilib. Şikayətlərin faizi heç 2%-ə çatmır. Uğurlu layihə hesab edirik. Bu layihəni sahibkarlıq fəaliyyəti kimi qiymətləndirmək olmaz. Bu proqrama ən az təhsilli həssas təbəqimiz daxil edilib. Proqram çərçivəsində verdiyimiz avadanlıqları bir ərzində satanlar inzibati məsuliyyətə cəlb olunur. Bunun da faizini hesablamışıq. 3 il ərzində bununla məşğulluqda qalanların faizi 65%-ə çatır. Biz bu rəqəmin 50% üzərində olmasını gözləyirik”, - nazir noyabrın 4-də Milli Məclisdə Əmək və sosial siyasət və İqtisadi siyasət, sənaye və sahibkarlıq komitəsinin birgə iclasındə bildirib.

www.anews.az