Ermənistan sərhədlərin delimitasiyası ilə bağlı keçiriləcək görüşü təsdiq edib

Ermənistan Xarici İşlər Nazirliyi sərhədlərin delimitasiyası üzrə Ermənistan və Azərbaycan komissiyalarının görüşü barədə razılığı təsdiqləyib. Bu barədə Ermənistan mətbuatı məlumat verib. 



Ermənistanın baş naziri Nikol Paşinyan noyabrın 16-da mətbuata açıqlamasında bildirib ki, Azərbaycanla sülh sənədi üzrə əsas prinsiplər razılaşdırılıb.
 
Oktyabrın 14-də Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" sosial hesabında yazıb ki, Ermənistan sülh sazişi ilə bağlı sənədin variantını iki aydan artıqdır ki gecikdirir.
 
Oktyabrın 26-da Nikol Paşinyan mətbuata açıqlamasında vurğuayıb ki, yaxın aylarda Ermənistanla Azərbaycan arasında sülh müqaviləsi imzalana bilər.
 
Oktyabrın 25-də Avropa İttifaqının rəsmisi ayın sonunda Brüsseldə Azərbaycanla Ermənistanın liderlərinin keçiriləcəyi görüşün təxirə düşdüyünü açıqlayıb. 
 
Oktyabrın 10-da Prezident İlham Əliyev Şuşada keçirilən İqtisadi Əməkdaşlıq Təşkilatının Nazirlər Şurasının 27-ci iclasının iştirakçılarına ünvanladığı müraciətdə bildirib ki, Ermənistanın Azərbaycanla sülh müqaviləsi bağlaması üçün tarixi şərait yaranıb. 
 
Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanata əsasən dayandırılıb. Bundan sonra Azərbaycan və Ermənistanın rəhbər şəxsləri sülh imzalanması istiqamətində bir neçə görüşlər həyata keçirib. 
 
 
Gülnar Nazimqızı 

www.anews.az