TƏBİB Sabirabadda 1 yaşlı uşağın qızılcadan ölməsini təsdiqləyib

 

"2022-ci il təvəllüdlü azyaşlı 30.11.2023-cü il tarixində saat 12:47 radələrində Sabirabad Rayon Mərkəzi Xəstəxanasının Təcili tibbi yardım şöbəsinə yerləşdirilib.Ona qızılcanın ağırlaşmış forması, neyrotoksikoz, ensefalit, kəskin tənəffüs, ürək-damar çatışmazlığı (III dərəcə) diaqnozları qoyulub. Pasiyentin yanaşı diaqnozu qavrama zəifliyi olub.Azyaşlı Reanimasiya şöbəsinə yerləşdirilib. Həkimlərin səylərinə baxmayaraq, azyaşlı 01.12.2023-cü il tarixində saat 00:15 radələrində vəfat edib", - məlumatda qeyd olunub. 

 

Açıqlamada bildirilir ki, ölən uşağa yalnız hepatit və vərəm əlehinə peyvənd vurulub. Ailəsi tərəfindən digər peyvəndlər üçün imtina ərizəsi yazlıb. 

Bundan əvvəl Kürdəmirdə və Bakıda daha 2 uşaq qızılcaya yoluxaraq vəfat edib. 

 

Səhiyyə Nazirliyinin son statistikasına görə Azərbaycanda qızılcaya yoluxanların sayı 284 nəfərə çatıb. 

 

Noyabrın 30-da ÜST-ün Azərbaycan nümayəndəliyi əhalini penvənd olunmağa çağırıb. 

 

Ümümdünya Səhiyyə Təşkilatının son statistikasında 2021-ci illə müqayisədə ötən il qlobal miqyasda qızılcaya yoluxma hallarının sayı 18 %, ölüm hallarının sayı isə 43 % artıb.

 

Bildirilib ki, 2021-ci illə müqayisədə ötən il qlobal miqyasda qızılcaya yoluxma hallarının sayı 18 %, ölüm hallarının sayı isə 43 % artıb.

 

Səhiyyə Nazirliyi açıqlama yayaraq qeyd edib ki, epidemioloji vəziyyəti nəzərə alaraq, ölkə ərazisində orta və yaşlı əhalinin profilaktikası məqsədi ilə vaksinasiyası üçün peyvənd (Qızılca-Parotit-Məxmərək) tətbiq olunacaq. 

 

Gülnar Nazimqızı