Jurnalistin həbsi ilə bağlı vəsatət təmin edilməyib

"Üç aylıq həbs qəti imkan tədbirinin seçilməsi ilə bağlı şikayətimizə baxıldı. Verdiyimiz şikayət təmin edilmədi. Ümumiyyətlə bu maddə işlək bir maddə deyil. Azərbaycan Respublikası Bakı şəhəri və Abşeron yarımadası ərazisində təxminən 500-ə qədər qanunsuz tikili var.  Çox nadir hallarda bu maddə ilə cinayət işi açılır və  həbslər olunur.  Statistikaya baxsaq, maksimum bu maddə ilə 1 və ya 2 nəfər həbs olunub. Bu da ondan irəli gəlir ki, həbs-qətimkan tədbirinin seçilməsinin əsası yoxdur",  - vəkil bildidirb. 

 

O, həmçinin əlavə edib ki, müdafiə etdiyi şəxsin saxlanma şəraiti ilə bağlı şikayəti yoxdur. 

 

"Orucov ilə biz keçən həftə görüşdük. Saxlanma şəraiti ilə bağlı heç bir şikayəti yoxdur. Səhhəti normaldır. Bu günkü çıxışinda da bildirdi ki, həbsi onun jurnalist fəaliyyəti ilə bağlıdır. Həmin ərazidə bir ildən artıqdır ki, işlər görür. Ona əvvəlcədən xəbərdarlıq edə bilərdilər. Ofisində və evində olan axtarış onu deməyə  əsas verir ki, onu  jurnalistika fəaliyyəti ilə bağlı həbs ediblər",- vəkil vurğulayıb.

Əziz Orucova qarşı  Cinayət Cinayət Məcəlləsinin 188.2 (Mülkiyyət, istifadə və ya icarə hüququ olmadan torpaq sahəsi üzərində özbaşına tikinti və ya quraşdırma işləri aparma) maddəsilə cinayət işi qaldırılıb.