1542 yük maşını gömrük-keçid məntəqələrində gözləyir

Azərbaycan Yerüstü Nəqliyyat Agentliyi (AYNA) gömrük-keçid məntəqələrində müşahidə edilən sıxlıqla bağlı məlumat yayıb.

Bu barədə AYNA xəbər verir.

 

Yük maşınlarının sayı ilə bağlı daşıyıcıların davamlı məlumatlandırılması xidmətinə başlanılıb.

"Gömrük-sərhəd məntəqələrində çıxışda gözləmədə olan nəqliyyat vasitələrinin sayı barədə məlumata əsasən, "Astara” gömrük postunda 250, "Biləsuvar” gömrük postunda 50, "Qırmızı Körpü” gömrük postunda 1126, "Mazımqara” gömrük postunda 55, "Samur” gömrük postunda 61 yük maşını var. "Xanoba” gömrük postunda isə növbə yoxdur. Hazırda ən çox gözləmədə olan nəqliyyat vasitələri "Qırmızı Körpü” gömrük-sərhəd buraxılış məntəqəsində müşahidə edilir.