İl ərzində 40 növdə 253 imtahan keçirilib- Məleykə Abbaszadə

İl ərzində 40 növdə 253 imtahan keçirilib. Bunu Azərbaycan müəllimlərinin XVI Qurultayında Dövlət İmtahan Mərkəzinin (DİM) sədri Məleykə Abbaszadə çıxışı zamanı deyib.

 

" Son bir il ərzində 600 mindən çox insan biliyin qiymətləndirilməsi prosedurlarından keçib. 60 mindən çox müəllim bu prosedurları idarə etməyə cəlb olunub. 4 mindən çox ekspert, müəllim, imtahanin məzmununun hazırlanmasında , nəticələrin yoxlanılmasında  iştirak edib. İl ərzində 40 növdə 253 imtahan keçirilib", DİM sədri vurğulayıb.

 

Məleykə Abbaszadə bildirib ki, yazılı sualların yoxlanılması prosesini sürətləndirmək üçün marker müəllimlərə ehtiyac var.

 

" Hazırda yazılı sualların yoxlanılması və digər prosesləri sürətləndirmək üçün marker müəllimlər lazımdır. Həmçinin bundan başqa test imtahanlarında test nümunələri tərtib edən müəllimlər varsa, bizə müraciət edə bilər",- o bildirib

 

Aytac