2024-cü il Ağdamda Atçılıq Mərkəzi tikiləcək

 

"Qarabağ dedikdə həm də öz etibarlılığı, dözümlülüyü ilə məhşur olan yaraşıqlı və vəfalı Qarabağ atları da yada düşür. Azərbaycanın milli sərvəti olan Qarabağ atları dünyanın ən qədim mədəni cinslərindən biridir.  Ağdamın Eyvazxanbəyli kəndində vaxtilə mövcud olmuş məhşur atçılıq zavodunun öz tarixi yerində yenidən atçılıq mərkəzi inşa olunacaq. Bu da öz növbəsində rayona gələn turistlər üçün maraqlı əylənə mərkəzinə çevriləcək. Hal-hazırda bu istiqamətdə layihələndirmə işləri davam etdirilir", - Faiq Hacıyev dekabrın 14-də Ağdamda "İşğaldan azad olunmuş ərazilərdə turizmin bərpası və inkişafı” mövzusunda keçirilən elmi-praktiki konfransda bildirib. 

 

Xüsusi nümayəəndə bildirib ki, Qarabağa gedən yolların bərpası turistlərin ora cəlb olunması üçün imkanlar yaradır. 

"Bu il istifadəyə verilən Talış-Tapqaraqoyunlu və Suqovuşan-Talış avtomobil yolları ölkəmizin qərb rayonlarını Qarabağ ilə daha da yaxınlaşdırır və turistlərin səfərləri üçün xidmət edir. Həmçinin iki ay öncə Azıx və Tağlar mağaralarının UNESCO -nun ümumidünya irs üzrə itkin siyahıya əlavə edilməsinə dair olan xəbər bizim hamımızı çox sevindirdi. Ağdərənin yaxınlığında yerləşən Tuğ kəndinin Prezidentin müvafiq sərəncamına əsasən qoruq elan edilməsi Xocavəndin  turizim potensialını daha da zənginləşdirəcək. Eyni zamanda erməni vandalizminə məruz qalmış tarixi abidələrimizin bərpası istiqamətində də işlər davam etdirilir", - o əlavə edib. 

 

Faiq Hacıyev vurğulayıb ki, hazırda Ağdamda Pənahəli xanın imarət kompleksində və Ağdam Cümə məscidində təmir bərpa işləri davam edir, növbəti il ərzində bu işlərin tamamlanması gözlənilir. 

 

Bundan əvvəl Prezidentin xüsusi nümayəndəsi Emin Hüseynov mətbuata açıqlamasında 2025-ci ilin ortalarından başlayaraq Ağdama və onun ətraf kəndlərinə - Xıdırlı, Kəngərli, Sarıcalıya məskunlaşmanın həyata keçiriləcəyini, ardınca isə Arazxanbəyli, Salahlı, Kəngərli, Güllücə və digər bütün kəndlərin l Dövlət proqramında qoyulmuş vaxta uyğun olaraq tikilib təhvil veriləcəyini bildirib.

 

Prezident İlham Əliyev Qarabağda vətəndaşlarla görüşən zaman söyləyib ki, 2026-cı ilin sonunda Qarabağ və Şərqi Zəngəzurda 140 min insanın yaşaması planlaşdırılır.

 

Ağdam 2020-ci ilin noyabrında işğaldan azad olunub.