Bələdiyyələri tibbi tullantılara nəzarətə cəlb etmək lazımdır - Deputat

"Tullantılarla bağlı regionalarda bu daha çox problem kimi qalır. Əvvəllər insanlar boş ərazilərdə tullantıları yığıb yandırırdı. İndi həmin ərazilərdə yaşayış massivləri salınır. Məhz həmin yaşayış yerlərində tullantılar yandırmaqla ciddi problemlər yaranır. Belə olan halda insanlar da narazılıq edir. Bu məsələlərə ciddi nəzarət etmək lazımdır", - deputat dekabrın 21-də Milli Məclisdə Tibbi tullantıların idarə olunması: mövcud vəziyyət, problemlər və onların həlli yolları" mövzusunda ictimai dinləmə çıxışı zamanı deyib. 
 

 

Deputat söyləyib ki, gözəllik salonlarında kosmetoloji prosedurlar zamanı tibbi ləvazimatlardan istifadə olunur və həmin tullantılar yaxınlıqdakı zibil qabılarına atılır. 

 

" Düşünürəm bu istiqamətdə ciddi nəzarət olmalıdır. Dünya təcrübəsindən istifadə etmək lazımdır. Bələdiyyələri də bu işlərə cəlb etmək lazımdır", - deputat vurğulayıb.

 

Səhiyyə nazirinin müavini Kamilə Əliyeva cavab olaraq bildirib ki, kosmetoloji prosedurlar həyata keçirən gözəllik salonları sahibarlıq subyekti hesab olunduğu üçün onların yoxlanılmasına və nəzarətinə qanunla məhdudiyyətlər var. Buna görə nazirlik orada yoxlama keçirə bilmir. 

 

Gülnar Nazimqızı