Sosial şəbəkələrdə tənqidlər etmək müstəqillik sayıla bilməz - Deputat/VIDEO

Sosial şəbəkələrdə ucuz tənqidlər etmək və ya "xoruzlanmaq” müstəqillik sayıla bilməz. Bunu deputat Bəhruz Məhərrəmov deyib. 

"Müstəqil şəxslər dövlətə arxalanan adamlardır. Ona görə də artıq Azərbaycan vətəndaşı dövlətin adamıyam deməkdən nəinki çəkinməməli, Heydər Əliyev dövlətinin adamı olmaqdan qürur duymalıdır. Ən azı ötən 3 illik dövr göstərdi ki, Azərbaycanda dövlət, hakimiyyət və vətəndaş ayrı cəbhələrdə deyil”, - deputat dekabrın 30-da Milli Məclisin plenar iclasında bildirib.

Deputat söyləyib ki, bəzi şəxslər müstəqillik altında səfiriklərin ətrafında vaxt keçirməklə özünü satır. 

"Buna tənə etmək istəyənlərin əslində özlərinin kimin adamı olduğunu hamımız görürük. Bu gün ya Avropada kiminsə "qucağında” oturub, ya da Bakıda çiyinində çantası səfirliklərin ətrafında veyillənərək özünü xarici ölkələrə satır”, - o bildirib.

www.anews.az