Ayda 2 milyard adam WhatsApp-dan aktiv istifadə edir
07.01.2024 15:40
WhatsApp ayda 2 milyard aktiv istifadəçi sayına görə dünyanın ən populyar sosial şəbəkələrinin reytinqində (Top10) 3-cü yerdədir. Bu barədə Inclend məlumat yayıb.
Məlumata görə, ikinci yerdə 2,5 milyard aktiv istifadəçisi olan YouTube, birinci yerdə isə 3 milyard aktiv istifadəçisi olan Facebook qərarlaşıb.
Hər il orta hesabla WhatsApp istifadəçilərinin sayı təxminən 20% artır.
Eyni zamanda WhatsApp dünyada ən çox yüklənən proqramlar reytinqində 4-cü yerdədir. Belə ki, ayda 45 milyon dəfədən çox bu tətbiq yüklənir.
Hər ay dünya internet istifadəçilərinin 38,7%-i WhatsApp-dan istifadə edir. İstifadəçilərin 47%-ni qadın, 53%-ni kişilər təşkil edir. Əsas auditoriyası isə 25-34 yaş arası insanlardır.
Bununla yanaşı sosial şəbəkə istifadəçilərinin 16,6%-i WhatsApp-ı "sevimli sosial şəbəkə” hesab edir.
Datareportal-ın məlumatına görə, WhatsApp-dan dünya əhalisinin təxminən 24,8%-i istifadə edir.
"İKT bazarı iştirakçıları" İctimai Birliyinin araşdırmalarına görə, 2023-cü il Azərbaycanda ən çox istifadəçisi olan platforma youtube olub. İkinci yerdə isə Tiktok qərarlaşıb. Ölkədə ən çox yüklənən proqram isə Whatsapp olub.
Aygün Mirakif
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
