Yaxın 16 ildə Bakıda tramvay və metrobus yolları salınacaq

Planda ictimai nəqliyyat sisteminin səmərəli fəaliyyətinin (rentabelli, yüksək tutumlu, sürətli, rahat, etibarlı, dəqiq, əhatə dairəsi geniş və s.) təmin edilməsi, o cümlədən artan tələbatın ödənilməsi, fərdi nəqliyyat vasitələrinin xüsusi çəkisinin azaldılmasının yalnız metro, metrobus, sürətli dəmir yolları və tramvay-elektrik qatarı sistemlərinin inteqrasiyası yolu ilə mümkün ola biləcəyi vurğulanıb.

Habelə 2027-ci ilə qədər Tramvay sisteminin Bakı Dəmiryolu vağzalı ilə (mərkəzi nəqliyyat qovşağı) əlaqələndirilməsi planlaşdırılır.

Bununla da Bakı Limanı sahəsinin dəmir yoluna birləşdirilməsi, mərkəzi Bakı Stansiyasının dəmir yolu qovşağı kimi tamamlanması, Bakı Bulvarı ilə İçərişəhər ərazisinin relsli ictimai nəqliyyat xətləri ilə əlaqələndirilməsi, "Ağ şəhər” və "Port Baku” ərazisinin dəmir yolu əlaqəsinin təkmilləşdirilməsi, "Ağ şəhər” bulvarı xəttinin yaradılması, Mərkəzi "Ağ şəhər” xəttinin salınması, Gənclik metro stansiyasının çoxmodallı qovşaq kimi inkişafı, Binəqədi dəmir yolu əlaqəsinin təmin edilməsi və bunun vasitəsilə Binəqədi və Bakı Dəmiryolu vağzalı arasında tramvay nəqliyyatı əlaqəsinin yaradılması həyata keçirilməsi həyata keçiriləcək.

2040-ci ilə qədər isə Tramvay əlaqəsinin cənub-qərbə doğru uzadılması hədəflənib.

Tramvay nəqliyyatı ilə 2027-ci ildə illik 45 milyon 300, gündəlik orta hesabla 124 min 200 səfərin, 2024-cı ildə isə illik orta hesabla 121 milyon 300, gündəlik 332 min 350 səfərin edilməsi nəzərdə tutulur. Şəbəkənin bir kilometrinə düşən səfərlərin sayı 2,22 milyon sərnişin təşkil edəcək. Avropa Birliyinin yeni üzv ölkələrinin 2012-ci il göstəriciləri ilə müqayisədə şəbəkənin bir kilometrinə düşən səfərlərin sayı 1,97 milyon sərnişin təşkil edir. 

 

Tramvay xətti 2004-cü ildə bağlanıb.  

 

Aygün Mirakif