Yeniyetməyə köməyə gəlməyən təcili yardım əməkdaşı işdən çıxarılıb

Bu barədə Bakupost.az-a Abşeron Rayon Mərkəzi Xəstəxanasının baş həkimi Əli Allahverdiyev bildirib.

Onun sözlərinə görə, yayılan məlumatlardan sonra dərhal araşdırma aparılıb.

"Biz məsələni hərtərfli araşdırdıq. Həmin tibb işçisinin üzərinə düşən vəzifəni yerinə yetirmədiyi təsdiqləndi. Ona görə də o, işdən uzaqlaşdırıldı",- məlumatda bildirilib.

Yanvarın 3-də sosial şəbəkələrdə yeniyetmənin eyvandan yıxılmasından sonra saat yarım ərzində təcili tibbi yardım maşınının gəlməməsi barədə məlumatlar paylaşılıb.

TƏBİB isə Ayan Aslanova üçün daxil olan çağırışla əlaqədar araşdırma aparıldığını bildirmişdi.