Yazıçılar Birliyi Natavanın heykəlinin sökülməsini pisləyib

 

"Azərbaycanın ədəbiyyat, mədəniyyət, incəsənət və elm xadimləri, vətəndaş cəmiyyəti təmsilçiləri olaraq, Yelisey Sarayının sifarişi ilə Fransanın Evian-Le Ba şəhərində Xurşidbanu Natəvanın heykəlinə qarşı nümayiş etdirilən rəftarı qəbuledilməz sayırıq, abidənin üzərinin bağlanmasını Azərbaycan mədəniyyətinin təhqir edilməsi kimi dəyərləndiririk.Xurşidbanu Natəvan bütün Şərqdə və İslam dünyasında görkəmli şairə, rəssam, maarifçi və xeyriyyəçi, qadın azadlığı, qadın hüquqları uğrunda mübariz kimi tanınır, onun əsərləri Azərbaycanda dövlət varidatı elan olunub. Evian-Le Ba şəhərində baş vermiş rəzalət Fransa hakimiyyətində azərbaycanafobiya, türkofobiya, islamafobiyanın hansı həddə çatdığını əyani şəkildə göstərir. Ədəbiyyatın, incəsənətin, mədəniyyətin çirkin siyasi oyunbazlığa alət edilməsini kəskin şəkildə pisləyirik", - bəyanatda yazılıb. 

 

Bundan əvvəl Milli Məclisin deputatları Fransada Natavanın heykəlinin sökülməsini pisləyib və bildirib ki, bu Azərbaycan mədəniyyətinə qarşı edilən hörmətsizlikdir. 

 

Natavanın heykəli Frasnanın Evian-le-Bən şəhərində 2017-ci ildə qoyulub.  Heykəlin müəllifləri Salhab Məmmədov və Əli İbadullayevdir.

 

Heykəl 2023-cü ilin dekabrında sonunda sökülüb.

 

Gülnar Nazimqızı