Magistraturaya sənəd verənlərin sayı açıqlanıb

Magistraturaya sənəd qəbulu davam edir.

Bu barədə Dövlət İmtahan Mərkəzinin saytında bildirib.

 

Qəbul imtahanında iştirak etmək üçün bakalavrların ərizələrinin qəbulu internet vasitəsi ilə aparılır. İmtahanda iştirak etmək üçün ərizələrin qəbulu yanvarın 15-dən başlayıb və 29 yanvar saat 23:59-dək davam edəcək.

23 yanvar saat 10:20-yə olan məlumata əsasən 6360 bakalavr ərizəsini təsdiq edib (Azərbaycan bölməsi - 5769; rus bölməsi - 591).

Sənəd qəbulunda iştirak etmək istəyənlər (şəxsi kabineti olmayanlar) ekabinet.dim.gov.az səhifəsində "Şəxsi kabinet” yaratdıqdan sonra ərizə vermək üçün tələb olunan məbləği "Şəxsi kabinet”indəki hesabına əlavə edir. Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış olmaq mümkündür.

 

İmtahan 2024-cü il fevralın 11-də keçiriləcək.