Ermənistan Azərbaycana mina xəritələrin hansı halda verə biləcəyini açıqlayıb

 

"İndi Ermənistan tərəfi yeni xəritələr yaratmağa çalışır. Sorğular vasitəsilə xəritələr hazırlanır və etimad mühiti olarsa, Ermənistan  onların Azərbaycana verilməsini müzakirə edə bilər. Amma bu dəfə bu beynəlxalq ictimaiyyətin iştirakı ilə mümkün ola bilər", - Mirzoyan yanvarın 23-də jurnalistlər üçün keçirdiyi mətbuat konfrasında deyib. 

 

 

Milli Məclisdə "Mina Təhlükəsi ilə Mübarizə - partlayıcı sursatların ekosistemə təsiri” mövzusunda ictimai dinləmədə deputat Vüqar Bayramov bildirib ki, Qarabağ ərazisinin minalardan təmizlənməməsi Azərbaycan iqtisadiyyatı üçün 10 milyard itki deməkdir. 
 
Həmçinin millət vəkili Tahir Mirkişili vurğulayıb ki, beynəxalq təşkilatlar minaların təmizlənməsində yardım etməsə, Azərbaycan bu prosesə 1,5 milyard pul xərcləməli olacaq. 
 
Deputat Hicran Hüseynova minaya düşən şəxslərlə bağlı beynəxalq məhkəmələrə müraciət etməyi təklif edib. 
 
Prezident Administrasiyasının Xarici siyasət məsələləri şöbəsinin sektor müdiri Həbib Mikayıllı deyib ki, Azərbaycan minaların təmizlənməsi üçün çəkilən xərclərin  90%-i öz hesabına icra edir.
 
Noyabrın 4-də  BMT-nin rezident əlaqələndiricisi Vladanka Andreva söyləyib ki, Azərbaycan minadan əziyyət çəkən ölkələr siyahısına daxildir. 
 
Hazırda Azərbaycan minalardan əziyyət çəkən ilk 10 ölkə siyahısında yer alır. 
 
2023-cü il martın 17-də baş nazir Əli Əsədov Milli Məclisdə hökumətin hesabatı zamanı çıxış edərkən  bildirib ki, hazırda Qarabağda minaların təmizlənməsinə 4 özəl şirkət də cəlb olunub.

 

Bundan əlavə, ANAMA ilə birgə Müdafiə Nazirliyi, Fövqəladə Hallar Nazirliyi, Dövlət Sərhəd Xidməti də ərazilərin təmizlənməsində iştirak edir.
 
Gülnar Nazimqızı