Binanın liftində nasazlıq olub - 5 nəfər köməksiz qalıb

Fövqəladə Hallar Nazirliyinin "112” qaynar telefon xəttinə Bakı şəhəri, Xətai rayonu, Süleyman Vəzirov küçəsində yerləşən yeddimərtəbəli yaşayış binasının liftində vətəndaşların köməksiz vəziyyətdə qalması barədə məlumat daxil olub. 

Əraziyə FHN-in Bakı Regional Mərkəzinin xilasediciləri cəlb olunub. 

Əməliyyat şəraiti qiymətləndirilərkən məlum olub ki, texniki nasazlıq səbəbindən yeddimərtəbəli çoxmənzilli yaşayış binasının lifti birinci mərtəbədə dayanıb və 5 nəfər vətəndaş liftdə köməksiz vəziyyətdə qalıb.