“Sabunçu xəstəxanası”nın baş həkimi məhkəmə zalında həbs olundu

 

Hazırlıq iclası başlayan kimi iş üzrə zərərçəkmiş müğənni Dəniz Əsədovanın vəkili Ceyhun Yusifov vəsatət qaldırıb. O, ev dustaqlığında olan Rauf İsfəndiyarovun barəsindəki həbs-qətimkan tədbirinin dəyişdirilməsini xahiş edib. İsfəndiyarovun vəkili onun barəsindəki həbs-qətimkan tədbirinin dəyişdirilməsinə zərurət olmadığını bildirib. Prokuror isə vəsatəti dəstəkləyib. Qısa müşavirədən sonra məhkəmə zalında konvoyların sayı artırılıb, İsfəndiyarovun qolları qandallamaraq , məhbuslar üçün nəzərdə tutulmuş şüşə qəfəsə salınıb.

İsfəndiyarova qarşı Baş Prokuror yanında Korrupsiyaya qarşı Mübarizə Baş İdarəsi tərəfindən Cinayət Məcəlləsinin 178.3.2-ci (Dələduzluq - külli miqdarda ziyan vurmaqla), 179.2.3-cü (mütəşəkkil dəstə tərəfindən və külli miqdarda mənimsəmə), 308.2-ci (vəzifə səlahiyyətlərindən sui-istifadə), 32.4.308.2-ci (vəzifə səlahiyyətlərindən sui-istifadə etməyə təhrik etmə), 311.3.2-ci (rüşvət alma təkrar törədildikdə), 311.3.3-cü (təkrar, külli miqdarda rüşvət alma), 313, 32.4.313-cü (vəzifə saxtakarlığına təhrik etmə) və 320.1-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) maddələri ilə ittiham irəli sürülüb. Yaxın günlərdə məhkəmə baxışı olacaq, tərəflər ifadə verəcək.