Əsgəran qala divarlarının yaxınlığında kütləvi məzarlıq aşkarlanıb - Foto/Video

O bildirib ki, Əsgəran qalasında axtarış-qazıntı işlərinə 2023-cü ilin oktyabr-noyabrından start verilib, lakin hava şəraiti ilə əlaqədar işlər başa çatdırılmayıb.

 

"2024 cü il fevralından başlayaraq qazıntı işləri davam etdirilib. Nəticədə Xocalı sakinlərinə aid olması ehtimal edilən kütləvi məzarlıq aşkar edilib. Burada mütəxəsislərin ehtimallarına görə azı 8 şəxsə aid insan qalıqları aşkar edilib. Bundan sonra da axtarış işləri davam etdiriləcək və axtarış işləri nəticəsində bu rəqəmin artacağı istisna olunmur. Növbəti mərhələdə insan qalıqlarının eyniləşdirilməsi məqsədilə götürülərək aidiyyatı labarotoriyalara təhvil veriləcək və kimliyi müəyyən  olunduqdan sonra nəticəsi barədə ictimaiyyətə məlumat veriləcək", - o əlavə edib.

İsmayılov qeyd edib ki, 1990-cı illərin əvvəllərindən Qarabağ bölgəsində fəaliyyət göstərən qanunsuz erməni silahlı birləşmələrinin tərkibində 1992-ci ilin fevralında dinc Xocalı sakinlərinin qətlində iştirakçı olmasını etiraf edən Deqlaryan Rəşid Ramayisi barəsində istintaq olunan cinayət işi çərçivəsində ifadələrinin yerində yoxlanması məqsədilə istintaq hərəkatları zamanı Xocalıdan Ağdam istiqamətində hərəkət edən dinc əhalinin Əsgəran  qalasında puskuya salınaraq qətlə yetirilməsi və meydlərinin həmin ərazidə qalanın yaxınlığında basdırılması barədə məlumat verilib. 

 

Əsgəran qalası Şuşadan 24, Xocalıdan isə 5 kilometr məsafədə yerləşir. Xocalı şəhəri 1992-ci ildə Ermənistan silahlı qüvvələri tərəfindən işğal olunduqdan sonra qala dağıntılara məruz qalıb.

2023-cü ilin sentyabrın 19-20-də Azərbaycan Ordusunun Qarabağda həyata keçirdiyi lokal xarakterli antiterror tədbirlərindən sonra Əsgəran qalası azad edilib.