İşğaldan azad olunmuş ərazilərdə yeni məscidlər tikilir - Allahşükür Paşazadə
26.02.2024 11:00
İşğaldan azad olunmuş ərazilərdə yeni məscidlər tikilir. Bunu Qafqaz müsəlmanlarının XII Şeyxülislamı və Qafqaz Müsəlmanları İdarəsinin sədri Allahşükür Paşazadə deyib.
www.anews.az
"Hazırda Şuşada və digər azad olunmuş ərazilərdə məscidlərimiz həm bərpa olunur, həm də yeniləri tikirilir. Gələcəkdə Qarabağa köçən və dinlə məşğul olan vətəndaşlarımız məscidlərdən isitifadə edə biləcək. Məscidlərlə yanaşı kilsələr də bərpa olunur",- Paşazadə fevralın 26-da "Xocalı soyqırımı" ilə bağlı "ana harayı" abidəsini ziyarət edərkən jurnalistlərin suallarını cavablarkən bildirib.
İşğaldan azad edilmiş Azərbaycan torpaqlarında 403 tarixi-dini abidə təsbit olunur. Onlardan 67-si məscid, 144-ü məbəd, 192-si ziyarətgahdır.
Qarabağda rəsmi fəaliyyət göstərmiş 67 müsəlman məscidinin (Şuşada 13, Ağdamda 5, Füzulidə 16, Zəngilanda 12, Cəbrayılda 5, Qubadlıda 8, Laçında 8) 63-ü tamamilə, 4-ü isə qismən dağıdılaraq yararsız hala salınıb.
1868-1870 cil illərdə Ağdamda tikilmiş Cümə məscidi erməni işğalından sonra qismən dağıdılıb. Associated Press qeyd edir ki, məscid Ağdam şəhərində tam dağıdılmayan tək tikilidir, burada mal-qara və donuzlar saxlanılıb və divarı qraffiti ilə vandalizasiya edilib. Ağdam işğaldan azad edildikdən sonra məscidin bərpasına başlanılıb.
Prezident müsahibəsində bildirib ki, 2026-ci ilə kimi Qarabağa 140 min ailə köçürüləcək. 2024-cü il üçün Qarabağın 5 rayonuna məcburi köçkünlərin 30 ildən sonra ilk dəfə qaytarılması nəzərdə tutulub.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
