XİN sərhəddə baş verən gərginliyə münasibət bildirib

Sərhəddə baş verən gərginlik və Fransanın siyasəti bir-biri ilə bağlı olan inkişaflardan xəbər verir. Bunu xarici işlər naziri Ceyhun Bayramov deyib.

"Ermənistanla razılaşmalar əldə olunmasa da, 5 aya yaxın bir müddət sülh, sakitlik mövcud idi. Bu müddət ən sakit və sabit dövr kimi qiymətləndirilirdi. Bəzi çevrələr bu vəziyyətdən çox rahatsız idi. Onlar əllərindən gələni edirdilər ki, bu vəziyyət dəyişib gərginliyə çevrilsin. Avropa İttifaqının sərhəddə olan monitorinq missiyasının hərəkətləri, müxtəlif qərb diplomatlarının sərhəddə gəlməsi və bu məsələni gündəmdə saxlanması prosesin hansı mərkəzlərdən tərəfindən idarə olunmasına işarədir. Minalanmış ərazidə hərbçimizin sərhəddə snayperlə vurulması da bunu sübut etdi, hansı ki, Ermənistan da bunu etiraf etdi. Fransa bu hadisələrdə çox böyük canfəşanlıq edir. Münxen görüşü ilk dəfə deyil keçirilir. Görüş müsbət qiymətləndirildi. Dərhal sonra Fransada səfər zamanı müdafiə nazirinin Ermənistana gəlib təhdidedici açıqlamarın verilməsi, Qranada görüşü öncəsi hansı ki, Fransa xarici işlər naziri  Ermənistana gedib onların silahlanması ilə bağlı bəyanatlar vermişdi.Azərbaycana şər böhtanlar atılmışdı. Azərbaycanın öz ərazi bütövlüyünü bərpa etməsi görünür bir çox mərkəzləri narahat edir",- nazir fevralın 26-da Xocalı soyqırımı ilə bağlı "ana haray" abidəsini ziyarət edərkən jurnalistlərin suallarına cavab verərkən deyib.

Bir necə gün öncə Ermənistanın baş naziri Fransaya səfəri zamanı Fransa Prezidenti Emmanuel Makron Azərbaycanı Beynəlxalq Ədalət Məhkəməsinin 17 noyabr tarixli qərarını yerinə yetirməməkdə ittiham edib. 

Azərbaycan Xarici İşlər Nazirliyi bəyanata cavab olaraq Fransanın yürütdüyü siyasət heç bir nəticə verməyəcəyini açıqlayıb.

Fevralın 12-də Dövlət Sərhəd Xidmətinin əməkdaşı Zəngilan istiqamətində Ermənistan Silahı Qüvvələrinin atəşə tutması nəticəsində yaralanıb. Daha sonra hər iki ölkənin sərhəd bölgəsində vəziyyətin gərginləşməsi baş verib. Ermənistan Müdafiə Nazirliyi 4 hərbçisinin öldüyünü açıqlayıb. Azərbaycan Müdafiə Nazirliyi Tovuz istiqamətində Azərbaycan Ordusunun mövqelərinin atəşə tutulmasını təsdiq edib.  


www.anews.az