Yeni qanunda şəhid ailə üzvlərinin özəl universitetlərdə təhsil alması təklif olunur
06.03.2024 10:19
Şəhid ailəsinin üzvləri özəl universitetlərdə pulsuz təhsil alması "Təhsil haqqında" qanuna daxil edilib. Bu barədə Milli Məclisin elm və təhsil komitəsinin sədri Bəxtiyar Əliyev martın 6-da qanunu təqdim edərkən deyib.
Qanuna görə, yeni imtiyaz olaraq özəl ali, orta ixtisas və peşə təhsili müəssisələrində şəhid ailəsinin üzvlərinin, peşə təhsili müəssisələrində "Müharibə veteranı" adı almış şəxslərin, özəl peşə təhsili müəssisələrində isə əlilliyi olan şəxslərin, 20 yaşına çatmamış və orqanizmin funksiyalarının 81-100 faiz pozulmasına görə əlilliyi müəyyən edilmiş valideyni olan, aylıq gəliri yaşayış minimumundan aşağı olan şəxslərin ödənişli əsaslarla təhsil aldıqları müddətdə təhsil xərclərinin dövlət büdcəsinin vəsaiti hesabına ödənilməsi nəzərdə tutulur.
"Təhsil haqqında" qanun Milli Məclisin elm və təhsil komitəsinə birinci oxunuş üçün müzakirəyə çıxarılıb. Qanunda qeyd olunan təkliflər plenar iclasda III oxunuş təsdiq olunduqdan sonra qəbul olunacaq.
Bundan əvvəl bir neçə deputat Milli Məclisə "Təhsil haqqında" qanunun hələ də çıxarılmamasına etirazını bildirmişdi.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
