Satınalmalarla bağlı məsələ illərdir qaldırılsa da həllini tapmır - Əli Məsimli
08.04.2024 12:28
Dövlət satınalmaları ilə bağlı necə illərdir məsələ qaldırılsa da bu problem həll olunmur. Bunu deputat Əli Məsimli deyib.
"Necə illərdir bununla bağlı deputatlar danışır, mediada işıqlanır. Bununla bağlı qanunvericilyə dəyişiklik edilib. Amma satınalmalarla bağlı problem illərdir qalır. Həll olunmur. Palata indiki reallıqlar şəraitində nə mümküdür onu da edir. Amma əlavə tədbirlərin görülməsinə ehtiyac var. Ayrıca necə illərdir vətəndaşlara dəymiş ziyan adiyyatı qurumlar tərəfindən hesablamalar aparılsa da onlara dəymiş ziyan ödənmir. Heç bilinmir də bu pul ayrılıb, yoxsa ayrılmayıb", - deputat aprelin 8-də Milli Məclisin İqtisadi siyasət, sənaye və sahibkarlıq komitəsinin iclasında Hesablama Palatasının 2023-cü ildə fəaliyyəti haqqında Hesabatı təqdim edərkən deyib.
Deputat Vahid Əhmədov da bildirib ki, satınalmalarla bağlı ciddi məsələ problem olaraq qalır.
2023-cü il Milli Məclisdə "Dövlət satınalmaları haqqında” qanun qəbul edilib. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli deyib ki, bu qanun İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin səlahiyyətləri artırılacaq.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
