İmran Əliyev həbs edilib

Xətai Rayon Məhkəməsi "Məclis.info” saytının rəhbəri İmran Əliyev barəsində 2 ay 1 gün müddətinə  həbs qətiimkan tədbiri seçib.  Bu barədə Qafqazinfo məlumat verib.

Sayt rəhbəri ötən gün hava limanında saxlanılıb. Ona qarşı Cinayət Məcəlləsinin 206.3.3-cü (qaçaqmalçılıq-vəzifəli şəxs tərəfindən öz qulluq mövqeyindən istifadə edilməklə törədildikdə) maddəsi ilə ittiham irəli sürülüb.

 

Turan İnformasiya agnetliyinin yazdığına görə, məhkəmə iclasında Əliyev fiziki təzyiqlərə məruz qalmasından şikayətlənib.
 
Əliyevin yaxınları Turan-a bildiriblər ki, o elektrik cərəyanı ilə işgəncələrə məruz qalıb.

 

Müdafiə tərəfi həbs qərarından apellyasiya verəcəyini bildirib. 

 

*Ötən il noyabrın 20-də "Abzas Media”nın direktoru Ülvi Həsənli saxlanılıb. Nəşrin ofisində axtarış zamanı polis 40 min avro "tapıb".

Onlara qarşı Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq)  ittiham irəli sürülüb. Onları 5 ildən 8 ilədək həbs təhlükəsi gözləyir. Onlar xarici donorlardan qanunsuz qrant almaqda ittiham olunurlar.

 

Həmçinin Toplum TV-nin təsisçisiləri Ələsgər Məmmədli və Akif Qurbanov eyni maddələrlə ittiham olunaraq barələrində həbs qətimkan tədbiri seçilib.

Beynəlxalq jurnalist təşkilatları Azərbaycan hakimiyyətini saxlanılan jurnalistləri dərhal azad etməyə çağırıblar.