“Nar” rabitə sahəsinin peşəkarlarını hazırlayır

Sərfəli qiymətləri və hər kəsə uyğun təklifləri ilə tanınan "Nar” təhsil istiqamətində uzunmüddətli sosial layihələrinə davam edir.

 

Azərbaycanın mobil rabitə sahəsinin yerli peşəkarlara dayanaraq inkişaf etməsi üçün "Nar” Azərbaycan Texniki Universitetinin (AzTU) tələbələri üçün mobil rabitə təlimlərini davam etdirir.

"Nar” və Azərbaycan Texniki Universitetinin (AzTU) 10 ilə yaxındır ki, davam edən əməkdaşlığı çərçivəsində universitetin texniki istisaslar üzrə təhsil alan tələbələri "Nar” texniki heyətinin təşkil etdiyi rabitə təlimlərində iştirak edir, "Nar” laboratoriyasında əyani dərslər keçir və "Nar”ın təcrübə proqramına qoşulur.

"Nar”ın texniki heyəti yerli peşəkarlardan formalaşır və bu tendensiyanı qorumaq məqsədilə, "Nar” ilin əvvəlində daha bir texniki istiqamətdə ixtisaslaşmış ali təhsil müəssisəsi – Gəncədə yerləşən Azərbaycan Texnologiya Universiteti ilə əməkdaşlığa başlayıb.

"Nar”ın həyata keçirdiyi sosial layihələr haqqında ətraflı məlumatı operatorun rəsmi saytından (nar.az) əldə edə bilərsiniz.