"World telecom" müştərilərin hüquqlarını pozur - Qanun nə deyir?...

 

"Mağazadan telefon almışam. Müqavilədə qeyd olunub ki, ödənişi həm nağd, həm də online qaydada ödəyə bilərəm. İşlədiyim üçün və mənə yaxın mağaza olmadığı üçün bunu nağd icra edə bilmirəm. Şirkətdən isə bildirirlər ki, sistemdə problem var və nə zaman bərpa olunacağı da bəlli deyil. Ödənişi vaxtında ödəməyəndə də adına gecikmə vurulur", - şikayətçi söyləyib. 

 

Digər şikayətçi Günay Bağırova(şərti ad) anews.az-a şikayətində qeyd edir ki, nağd ödəniş zamanı da oxşar problem yaranıb.

 

"World telecom"dan kompüter almışam. Nağd ödəniş etməyə getdiyim zaman mənə bildirildi ki, sistemdə problem var ödəniş etmək mümkün deyil. Bir gün sonra isə mənə zəng edib dedilər ki, ödənişi etməsəniz adınıza problemli kredit düşəcək. Onlara izah etdim ki, mən ödəniş üçün yaxınlaşmışdım, sadəcə sizin sistem işləmədiyi üçün ödəniş icra olunması mümkün olmadı. Mağazadan bildirdilər ki, bunun heç bir aiddiyatı yoxdur. Ödəniş olunmasa mənim adıma gecikmə kimi yazılacaq", - Bağırova bildirib. 

 

Yaranmış problemi "World telecom"dan təsdiq ediblər. Bildirib ki, online qaydada ödənişin icra olunması problemin nə zaman bərpa olunacağı məlum deyil. Ona görə də hər kəs mağazaya yaxınlaşıb ödəniş etməlidir. 

 

Azad İstehlakçılar Birliyinin (AİB) sədri Eyyub Hüsenov bildirir ki, bu "İstehlakçıların hüquqları haqqında" qanunun pozulmasıdır. 

 

"Azərbaycanda vətəndaşlarla bağlanan müqavilələrdə əksər hallarda vətəndaşların hüquqları nəzərə alınmır. Əksər hallarda müqavilələr birətərəfli olur. Bəzən xırda hərflərlə yazılır ki, yaşlı adamlar onu oxuya bilməsin. Texniki, mobil cihazlar satan firmalar əl-ələ verib sanki istehlakçıları aldatmaq üçün hər bir variantlardan istifadə edir. Bu hal istehlakçıların hüquqlarının pozulmasıdır. Ən əsası Azərbaycanda və dünyada məsadədən ödəmək tendensiyası hökumətin də stateji məqsədlərindən biri olduğu halda, bu cür şirkətlər hökumətin apardığı bu siyasəti boykot etmək deməkdir", - Hüseynov bildirib.