Allahşükür Paşazadə İranın Azərbaycandakı səfirliyində olub

Şeyxülislam Allahşükür Paşazadə mayın 21-də İran İslam Respublikasının Azərbaycandakı səfirliyində olub.

O, Prezident Seyid İbrahim Rəisinin, xarici işlər naziri Hüseyn Əmir Abdullahianın, Təbrizin imamcüməsi Ayətullah Haşimin və digər müşayiət edən şəxslərin helikopter qəzasında faciəli surətdə həlak olmaları ilə əlaqədar başsağlığı verib.

Paşazadə matəm kitabına ürək sözlərini yazıb.

 

Bir gün əvvəl İran Prezidentini daşıyan helikopter qəzaya uğrayıb. Hadisə nəticəsində İran Prezidenti və xarici işlər naziri olmaqla 9 nəfər vəfat edib. İranda prezidentin səlahiyyətləri müvəqqəti olaraq vitse prezidentə keçib. 
 
Baş verən hadisə ilə bağlı İrana Azərbaycan rəhbərliyi daxil olmaqla bir çox ölkələr başsağlığı verib. 
 
İbrahim Rəisinin mayın 21-də Təbrizdə dəfn ediləcəyi gözlənilir. Baş verən hadisəyə görə İranda 5 gün matəm elan edilib. Bununla paralel 4 ölkə - Suriya, Pakistan və Livanda, Türkiyədə  matəm elan edilib.